Միջազգային օլիմպիական կոմիտեի նախագահ Ժակ Ռոգտեն հայտարարել է, որ սպորտում դոպինգի խնդիրը երբեք վերջնականապես չի լուծվի: Լոնդոնի Օլիմպիական խաղերի ժամանակ միան վեց մարզիկների դոպինգ-նմուշներն են տվել դրական արդյունք: Գնդի հրում մարզաձևում Նադեժդա Օստապչուկն արդեն զրկվել է իր ոսկե մեդալից, իսկ հույն Դիմիտրիս Խոնդրոկուկիսը, թուրքեր Ֆաթիհ Բայդարը և Իբրահիմ Արատը, ալբանացի Հյուսեն Պուլակուն և ռուս Վիկտորիա Բարանովան ընդհանրապես հեռացվել են մրցումներին մասնակցությունից:
«Դուք երբեք ամբողջությամբ չեք լուծի դոպինգի խնդիրը: Դոպինգը սպորտում հանցավորության ծանր ձև է: Դուք հասկանում եք, որ հանցավորությունից հասարակությունը չի ազատվի: Խաբեությունն ընկած է մարդկային բնույթի հիմքում»,- ասել է նա:
ՄՕԿ նախագահը նաև պատմել է այն մասին, թե ինչ նորամուծություններ կկիրառվեն Ռիո դե Ժանեյրոյի Օլիմպիադայում: Նա խոստովանել է, որ 2016-ի Օլիմպիադայի օլիմպիական ծրագրից կբացառվի մեկ մարզաձև: «Այդ բարդ հարցը կորոշվի ՄՕԿ գլխավոր վեհաժողովում հաջորդ տարվա սեպտեմբերին»,- ասել է նա:
