Պակիստանի ռազմականացված ուժերը երեքշաբթի առավոտյան կրակ են արձակել Կունար նահանգի աֆղանական սահմանային ոստիկանության արգելափակիչ դիրքերի վրա, որի արդյունքում մահացել է մեկ ոստիկան, հինգ հոգի վիրավորել է:

Ինչպես գրում է ՌԻԱ Նովոստին, նահանգային ոստիկանության վարչության պետի տեղակալ Մոհամմադ Այուբ Հասանհեյլը հաղորդել է, որ երեքշաբթի օրը առավոտյան ժամը 4-ին պակիստանցիները կրակ են արձակել Դանղամ գավառի Բինշայ բնակավայրի արգելափակիչ դիրքերի վրա: