Մոսկվայի Խամովնիչյան դատարանն ուրբաթ օրը երկու տարվա ազատազրկում է նշանակել Pussy Riot պանկ խմբի երեք անդամներին` նրանց մեղավոր ճանաչելով Քրիստոս Փրկչի տաճարում խուլիգանության մեջ: Այդ մասին հաղորդում է ՌԻԱ Նովոստին:
Դատարանի որոշմամբ, Մարիա Ալյոխինան, Նադեժդա Տոլոկոննիկովան և Եկատերինա Սամուցևիչը պատիժ կկրեն ընդհանուր ռեժիմի գաղութում:
Մարիա Ալյոխինան, Նադեժդա Տոլոկոննիկովան և Եկատերինա Սամուցևիչը ձերբակալվել են այն բանից հետո, երբ փետրվարի վերջին Փրկչի տաճարում կազմակերպել են «Աստվածամայր, վտարիր Պուտինին» ակցիան: