Չեխական Օստրավա քաղաքի ոստիկանության հատուկ նշանակության ջոկատի անդամները ձերբակալել են տեղի 29-ամյա բնակչի, ով, ինչպես ենթադրվում է, խոշոր ահաբեկչություն է պատրաստել` գործելով «Անդերս Բրեյվիկ» կեղծանվան տակ: Այդ մասին այսօր հաղորդել է քաղաքի քրեական ոստիկանության պետ Ռադովան Վոյակը:
Նրա խոսքով, ձերբակալվածի բնակարանում հայտնաբերվել են պայթուցիկ նյութ, պայթուցիկ սարքավորումներ պատրաստելու համար դետալներ, ինչպես նաև ոստիկանի համազգեստ, թեև նա երբեք չի ծառայել իրավապահ մարմիններում: Ոստիկանները գտել են հզոր ռումբ` գրեթե պատրաստ օգտագործման, հաղորդում է ԻՏԱՐ-ՏԱՍՍ-ը:
Վերջին ամիսներին էլեկտրոնային փոստով իր բոլոր նամակները ձերբակալվածը ստորագրել է ահաբեկիչ Անդերս Բրեյվիկի անունով: