Հարավային Կորեան սեպտեմբերին կվերսկսի Իրանից նավթի ներկրումն օրական մինչև 200 հազար բարելով: Այդ մասին երկուշաբթի օրը հաղորդում է Ռոյթերս գործակալությունը` մեջբերելով Հարավային Կորեայի էկոնոմիկայի նախարարության աղբյուրը:
Իրանական նավթի ներկրումը վերսկսելու որոշումը հարավկորեական իշխանություններն ընդունել են այն բանից հետո, երբ Իրանն առաջարկել է Սեուլին նավթն առաքել իրանական տանկերներով և ապահովագրել դրանք Թեհրանի հաշվին:
Ինչպես ավելի վաղ հաղորդել է իրանական Fars News գործակալությունը, Իրանն առաջարկել է Սեուլին ապահովագրել նավթ մատակարարող տանկերները մեկ մլրդ դոլարով: