Մոսկվայի նշանավոր «Սովրեմեննիկ» թատրոնը վերանորոգման համար կփակվի 2013-ի մայիսին, ՌԻԱ Նովոստիին հաղորդել է թատրոնի գրական մասի վարիչ Եվգենիա Կուզնեցովան:
Ավելի վաղ Մոսկվայի մշակույթի բաժնի ղեկավար Սերգեյ Կապկովն ասել էր, որ թատրոնը վերանորոգման համար կփակվի 2012-ի հոկտեմբերի 1-ին:
Ինչպես հաղորդվում է մշակույթի բաժնի կայքում, վերանորոգման առաջին փուլը կսկսվի 2013-ի մայիսին:
Հիմնական շենքի վերանորոգումը կսկսվի 2014-ի մայիսից և կտևի շուրջ մեկ տարի: Ենթադրվում է, որ այդ շրջանում թատրոնի խումբը կմեկնի հյուրախաղերի և ելույթ կունենա այլ մոսկովյան բեմերում: