Գրոսմայստերներ Ռոբերտ Հովհաննիսյանը, Զավեն Անդրիասյանը և Ավետիք Գրիգորյանը օգոստոսի 25-ից մինչև սեպտեմբերի 2-ը կմասնակցեն Սանկտ Պետերբուրգում անցկացվելիք Բոտվիննիկի հուշամրցաշարին:

Իսկ գրոսմայստեր Վարուժան Հակոբյանը Լոս Անջելեսի օփենում 9 հնարավորից վաստակել է 6,5 միավոր և նվաճել երրորդ մրցանակը: Հակոբյանը միայն կես միավորով է հետ մնացել հաղթողից` գրոսմայստեր Թիմուր Գարեևից (ԱՄՆ):

Գրոսմայստեր Գրիգոր-Սևակ Մխիթարյանը Բրազիլիայի Մարինգա քաղաքում անցկացված օփենում 9 հնարավորից վաստակել է 7,5 միավոր և բաժանել 2-4-րդ տեղերը: Լրացուցիչ ցուցանիշներով Մխիթարյանին շնորհվել է երրորդ մրցանակը, տեղեկացնում է armchess.am: