Լեռնային Ղարաբաղի Հանրապետության քաղաքացիության մասին օրինագծի համաձայն` ԼՂՀ քաղաքացիները պետք երկակի քաղաքացիության իրավունք ունենան: Այս մասին այսօր հայտարարել է ԼՂՀ ԱԳ նախարար Արման Մելիքյանը: Նախարարի խոսքերով` օրենքը պաշտպանելու է բոլոր քաղաքացիների իրավունքները` անկախ ծագումից, ռասայական եւ ազգային պատկանելիությունից: Ինչպես հայտարարել է Ա.Մելիքյանը, ԼՂՀ պարտավոր է պատասխանատվություն ստանձնել այն հայերի ճակատագրի համար, ովքեր ծնվել, ապրել եւ հետագայում արտաքսվել են Ադրբեջանից: Օրինագիծը քաղաքացիության տրամադրում է նախատեսում նաեւ այս խմբին պատկանող մարդկանց, ինչը թույլ կտա լիարժեքորեն պաշտպանել նրանց շահերը, հայտարարել է նախարարը: