Լիբանանյան Տրիպոլի քաղաքում տեղակայված զինծառայողները այսօր գրոհել են այն թաղամասերը, որտեղ գտնվում են զինված ահաբեկիչները, հաղորդում է ԻՏԱՐ-ՏԱՍՍ-ը:
Գրոհը սկսվել է այն բանից հետո, ինչ դիպուկահարները սպանել էին Լիբանանի հյուսիսային մայրաքաղաքի առանցքային կետերում տեղակայված պահակակետերի 7 զինվորների:
Վարչապետ Նաջիբ Միկատին պահանջել է լիբանանյան բանակից «որոշիչ գործողություններ` քաղաքում օրինականությունն ու կայունությունը վերականգնելու համար»:
Հյուսիսային մայրաքաղաքում բախումների պատճառը Սիրիայում տիրող ճգնաժամի վերաբերյալ ալավիտների և սուննիների համայնքների միջև սուր տարաձայնություններն են: