Սիրիայում շաբաթ օրը մահացել է ավելի քան 300 հոգի, հաղորդում է CNN-ը, մեջբերելով «Տեղի համակարգող հանձնաժողովներից» ընդդիմության ներկայացուցիչներին: Նրանց տվյալներով, օգոստոսի 25-ը դարձել է երկրում զինված դիմադրություն սկսվելուց ի վեր ամենաարյունալի օրը:

Ավելի վաղ «ամենաարյունալի օրը» համարվում էր հուլիսի 12-ը, երբ երկրում մահացել էր 287 մարդ:

Այլ աղբյուրներից մահացածների մասին տվյալները հաստատելը հնարավոր չէ, քանի որ Սիրիայի իշխանությունները խիստ սահմանափակումներ են դրել երկրի տարածքում օտարերկրյա լրագրողների աշխատանքի վրա: