Հայաստանի ոստիկանությունում հերքել են Երեւանում հոլոքոսթի զոհերի հուշարձանի նկատմամբ իրագործված վանդալիզմի ակտի մասին տեղեկատվությունը: Հուշարձանի ուսումնասիրությունը ցույց է տվել, որ 110 սմ բարձրությամբ, 17 սմ լայնությամբ եւ 60 սմ երկարությամբ հուշաքարն ամրացված է եղել գետնից 2,5 սմ բարձրությամբ երկու երկաթե հենակների վրա եւ վայր է ընկել տեխնիկական պատճառներով` առանց արտաքին ներգործության: Հուշարձանի վրա վնասվածքի հետքեր չեն հայտնաբերվել: