Կահիրեի Շուբրա շրջանում առնվազն 17 ղպտիական խանութների տերեր սպառնալիքներ պարունակող նամակներ են ստացել և ապրում են «տագնապի մեջ»: Այս մասին տեղեկատվություն է տարածել Coptic Solidarity կայքը` հղելով եգիպտական Youm-7 պորտալին:

Նամակներում պահանջվում է դադարել վաճառել քրիստոնեական սրբապատկերներ, գրքեր ու խորհրդանիշեր, որոնք նամակներն ուղարկողների կարծիքով համարվում են «կեղտոտ կուռքեր»:

Ղպտիները բողոք են ներկայացրել ոստիկանություն` հուսալով, որ սպառնալիքներով լի նամակներն ուղարկողները կգտնվեն: