Կապանի գործող քաղաքապետ Արթուր Աթայանը, ով կրկին առաջադրել էր իր թեկնածությունը քաղաքապետի ընտրություններում, թիվ 38 ընտրատարածքային հանձնաժողով է ներկայացրել իր ինքնաբացարկի մասին դիմումը: Այս մասին PanARMENIAN.Net թղթակցին է հաղորդել 38 ընտրատարածքի հանձնաժողովի նախագահ Սերգեյ Սարգսյանը:

Ընտրական հանձնաժողովի նախագահի խոսքով, Աթայանի ինքնաբացարկից հետո, քաղաքապետի միակ թեկնածու է մնում ՀՀԿ ներկայացուցիչ Աշոտ Հայրապետյանը:

Հարկ է նշել, որ Արթուր Աթայանը ՀՅԴ անդամ է, սակայն սեպտեմբերի 9-ին կայանալիք ընտրություններում նա ինքնաառաջադրված թեկնածու էր: