«Ժողովուրդ» թերթի լավատեղյակ աղբյուրները փոխանցում են, որ Սերգեյ Չալյանի պաշտոնանկությունից հետո ՀՀ գլխավոր զինկոմիսար է նշանակվելու Հայաստանի հանրապետական կուսակցության Սիսիանի շտաբի պետ Աշոտ Մինասյանը` Աշոտ Երկաթը:
Թերթի աղբյուրների փոխանցմամբ` Մինասյանն անգամ իր շրջապատում հայտարարել է, որ արդեն ՀՀԿ առաջնորդ Սերժ Սարգսյանից «դաբրո» է ստացել, և հաստատ ինքն է նշանակվելու Չալյանի փոխարեն: Թերթը փորձեց տեղեկությունը ճշտել Աշոտ Մինասյանից, սակայն վերջինս բարկացավ այդ հարցից: «Ի՞նչ եք ուզում ինձանից, ես աշխատանք ունեմ, այդ ամենը սուտ է, այդ ստահոդ լուրերը տարածողներին հարցրեք»,- հերքեց Մինասյանը, գրում է թերթը: