Ռուսաստանն ու Չինաստանը կողմ են հանդես գալիս ՄԱԿ ԱԽ բանաձևերի հիման վրա երկխոսության հաստատմանը Սիրիայի իշխանությունների ու ընդդիմության միջև: Այդ մասին այսօր հայտարարել են ՌԴ ԱԳՆ-ում Մերձավոր Արևելքի գծով ՌԴ նախագահի հատուկ ներկայացուցիչ, ԱԳ փոխնախարար Միխայիլ Բոգդանովի և Մոսկվայում Չինաստանի դեսպան Լի Հուեյի հանդիպման ավարտին:
Հանդիպումը տեղի է ունեցել Չինաստանի դեսպանի խնդրանքով, հայտնում է ԻՏԱՐ-ՏԱՍՍ-ը:
Կողմերը կարծիքներ են փոխանակել Մերձավոր Արևելքի ու Հյուսիսային Աֆրիկայի խնդիրների շուրջ՝ շեշտը դնելով Սիրիայում տիրող իրավիճակի վրա: