2005 թվականին Հայաստանը մտադիր է ազատ առեւտրի ռեժիմ սահմանելու բանակցություններ սկսել Իրանի եւ Լիբանանի հետ, հայտարարել է առեւտրի եւ տնտեսական զարգացման նախարարության արտաքին տնտեսական քաղաքականության վարչության պետ Գարեգին Մելքոնյանը: Նրա խոսքերով` Հայաստանն արդեն նման ռեժիմ է հաստատել ԱՊՀ երկրների հետ` բացառությամբ Ադրբեջանի: Իրանի հետ ազատ առեւտրի ռեժիմի սահմանումը կարող է հեշտացնել ոսկերչական, քիմիական, հանքահումքային արտադրանքի արտահանումը: