Ստամբուլում ընթացող Շախմատի Օլիմպիադայի 8-րդ տուրում Հայաստանի կանանց հավաքականը կխաղա Ռումինիայի հետ:
Արդեն հայտնի են երկու հավաքականների կազմերը՝ Էլինա Դանիելյանը կխաղա Քրիստիոն Ֆոիսոյի հետ, Լիլիթ Մկրտչյանը՝ Իրինա Բուլմագայի: Լիլիթ Գալոյանի մրցակիցը կլինի Էլենա Կոսման, իսկ Մարիա Կուրսովան կհանդիպի Ալինա Լամիի հետ:
Հաղթանակից հետո Հայաստանի հավաքականը 10 միավորով 15-րդ հորիզոնականում է: 12 միավորով մրցաշարային աղյուսակը գլխավորում է Չինաստանը:
Կանանց մրցաշարն անցնում է շվեյացարական համակարգով 11 տուրով և կավարտվի սեպտեմբերի 10-ին: Մրցաշարին մասնակցում է 122 հավաքական: