Բրիտանիայի արքայազն Հարրին ժամանել է Աֆղանստան որպես Թագավորական ՌՕՈւ ուղղաթիռի օդաչու 4-ամսյա ծառայություն անցնելու համար, հայտնում է ՌԻԱ Նովոստի գործակալությունը: Թագաժառանգներից երրորդը լինելով՝ 27-ամյա Հարրին կմասնակցի «Թալիբանի» դեմ ակտիվ մարտական գործողություններին:
«Դա բարդ և ինքնամոռացություն պահանջող աշխատանք է, ուստի կխնդրեի բոլորին հանգիստ թողնել նրան ու թույլ տալ, որ նա կենտրոնանա ծառայության վրա»,-ասել է միավորված ավիացիոն խմբի հրամանատար, ավագ Ջոն Գորդոնը:
2008թ. արքայազն Հարրին արդեն 10 շաբաթ անց է կացրել ծառայության մեջ՝ Աֆղանստանի Գիլմենդ գավառում:
Արքայազնը կբնակվի բեռնատար կոնտեյներում այլ զինծառայողների հետ:
Վերջերս ԶԼՄ-ներում հայտնվեցին մերկ արքայազն Հարրիի նկարները: Ըստ աղբյուրների, նկարները արվել են Լաս Վեգասում տեղի ունեցած երեկույթի ժամանակ:
