Հայոց ցեղասպանության կազմակերպիչներից մեկի` Ջեմալ փաշայի, թոռ Հասան Ջեմալը հրապարակել է «1915. Հայոց ցեղասպանություն» գիրքը: Այս մասին գրում է «Ակոս» պարբերականը: Այս նորության մասին իր Twitter-ում գրել է նաև լրագրող Յավուզ Բայդարը: «Թուրքիայի հայերը վարակված էին ռուսամոլությամբ և թուրքերը պետք է սպանեին նրանց, որպեսզի կենդանի մնացած հայերը հրաժարվեին Ռուսաստանից: Հենց այդ պատճառով էլ տեղի ունեցավ Հայող ցեղասպանությունը»,-1919թ Մյունխենում ասված պապի խոսքորը մեջբերում է Հասան Ջեմալը:

2008թ Հասան Ջեմալն այցելել է Երևանում Ցեղասպանության զոհերի հուշահամալիր: Հուշագրքում Ջեմալը գրել է. «Հայոց ցեղասպանությունը ժխտելը նշանակում է մարդկության դեմ այդ հանցագործության մասնակիցը լինել»: