Ալեքսանդր Հարությունյանի Շեփորի կոնցերտը անվանի շեփորահար Սերգեյ Նակարյակովի սիրած ստեղծագործություններից է, որը նա կատարում է աշխարհի տարբեր երկրներում: «Իմ առաջին ելույթը այս ստեղծագործությամբ եղել է, երբ ես ընդամենը 10 տարեկան էի: Ելույթ էի ունենում Գորկու նվագախմբի հետ: Դրանից հետո ելույթ եմ ունենում Ճապոնիայում, Ամերիկայում և ամենուր»,- PanARMENIAN.Net ի թղթակցին պատմեց երաժիշտը:
Շեփորի կոնցերտի գեղարվեստական արժանիքները շատ մեծ են, և այդ գործիքի համար գրված լավագույն ստեղծագործություններից է և որի միջազգային ճանաչման վկայությունն են անցած տասնամյակներում տարբեր երկրների երաժիշտների կատարումները:
«Ինձ համար յուրահատուկ զգացում է այն կատարել կոմպոզիտորի հայրենիքում: Սա երրորդ անգամն է, որ այն կատարում եմ Հայաստանի ֆիլհարմոնիկի հետ»,-հավելեց նա:
Սերգեյ Նակարյակովը Հայաստան էր եկել մասնակցելու Երևանյան 6-րդ երաժշտական միջազգային փառատոնին:
