ՀՀ նախագահ Սերժ Սարգսյանն այսօր ընդունել է Լյուքսեմբուրգի փոխվարչապետ, ԱԳ նախարար Ժան Ասսելբորնին, ով Հայաստանում է պաշտոնական այցով:
Զրուցակիցները քննարկել են համագործակցության խորացումը ԵՄ հիմնադիրներից մեկի` Լյուքսեմբուրգի հետ` ոչ միայն երկկողմ, այլ նաև Եվրոպական կառույցների շրջանակներում: Սարգսյանն ու Ժան Ասսելբորնը համաձայնել են, որ երկրները կարող են կապեր հաստատել նաև Ֆրանկոֆոնիայի միջազգային կազմակերպության շրջանակներում
Հանդիպման ժամանակ կարևորություն է տրվել նաև եվրաինտեգրման ճանապարհին Լյուքսեմբուրգի կողմից Հայաստանին աջակցությանը:
Նրանք քննարկել են նաև ղարաբաղյան հակամարտության կարգավորման գործընթացին առնչվող հարցեր, տարածաշրջանային խնդիրներ:
Ժան Ասսելբորնը ներկայացրել է Լյուքսեմբուրգի տեսակետը` կապված Ռամիլ Սաֆարովի արտահանձնման հետ, հաղորդում է նախագահի մամուլի ծառայությունը:
