«Կրասնոդարի» գլխավոր մարզիչ Սլավոլյուբ Մուսլինը, պատասխանելով rsport.ru այն հարցին, թե չի վախենում արդյոք ակումբը առաջիկայում կորցնել Յուրա Մովսիսյանին, ասել է. «7 խաղում նա 6 գնդակ է խփել: Անշուշտ, մենք ապահովագրված չենք այն բանից, որ Յուրան կարող է երբևէ հեռանալ մեզանից: Նա երկամյա պայմանագիր է կնքել մեզ հետ: Ամեն ինչ կանենք Յուրա Մովսիսյանին թիմում պահելու համար: Եթե նա հեռանա, այն ժամանակ այլ բարձրակարգ հարձակվողի կփնտրենք»:
Մուսլինը հավելել է, որ իրենք պետք է զարգացնեն ինսայդներին, որպեսզի նրանք էլ գոլ խփեն, ոչ միայն Մովսիսյանը: «Չեմ կարծում, թե մեր խաղը կախված է մեկ հարձակվողից, մենք կոմբինացիոն ֆուտբոլ ենք խաղում և պահեր բոլորն են ունենում, ուղղակի դրանք իրացնում է դեռևս միայն Մովսիսյանը»,-ասել է մարզիչը: