Լիբիայի Բենգազի քաղաքում օդանավակայանի փակման պատճառ են դարձել քաղաքի օդային տարածքում ԱՄՆ անօդաչու սարքերի թռիչքները և դրանք խփելու լիբիական ուժերի փորձերը:
Օդային հաղորդակցությունը քաղաքի հետ կասեցվել է ավելի քան 12 ժամով և վերականգնվել է ուրբաթ օրը:
Նախկին գրոհայինները, որոնք պայքարում էին Մուամմար Քադդաֆիի դեմ, իսկ այժմ երկրի անվտանգության ուժերի կազմում են ծառայում, փորձում էին կործանել ԱՄՆ անօդաչու սարքերը: Օդանավակայանի ղեկավարությունը մտավախություն ուներ, որ կրակի տակ կարող են հայտնվել ուղևորատար ինքնաթիռները, և որոշել է փակել օդանավակայանը, հայտնում է «ՌԻԱ Նովոստի» գործակալությունը: