Մինսկում ԱՊՀ կենտրոնակայանում սեպտեմբերի 12-13 տեղի է ունեցել ԱՊՀ երկրների սոցիալական ու ժողովրդագրական քաղաքականության հայեցակարգի իրականացմանն ուղղված Միջոցառումների ծրագրի նախագծի մշակման ու համաձայնեցման փորձագետների աշխատանքային խմբի նիստը, հայտնել է ԱՊՀ մամլո ծառայությունը:
Նիստին մասնակցել են Հայաստանի, Բելառուսի, Ղազախստանի, Ղրղզստանի, ՌԴ, Տաջիկստանի ներկայացուցիչներն ու փորձագետները:
Բացել է նիստը Գեորգի Խոսրոևը՝ ԱՊՀ Գործադիր կոմիտեի հումանիտար համագործակցության, ընդհանուր քաղաքական ու սոցիալական խնդիրների դեպարտամենտի տնօրենի տեղակալը:
Լրամշակվել է Ծրագրի նախագիծը:
Որոշվել է 2013թ. առաջին կիսամյակում կազմակերպել աշխատանքային խմբի ևս մեկ նիստ, գրում է «Արգումենտի ռու»-ն: