Վրաստանը մտահոգված է Ռուսաստանի հարավում կայանալիք «Կովկաս 2012» զորավարժություններով: Ինչպես հաղորդում է ՌԻԱ Նովոստին, այդ մասին Թբիլիսիում մամլո ասուլիսում հայտարարել է Վրաստանի ԱԳ նախարար Գրիգոլ Վաշաձեն: «Ցավոք սրտի, «Կովկաս 2012» զորավարժությունները սպառնալիք են ստեղծում ոչ միայն Վրաստանի, այլ նաև ողջ տարածաշրջանի համար անվտանգության և կայունության տեսանկյունից»,- ասել է Վաշաձեն:
Վաշաձեի խոսքով, «վրացական դիվանագիտությունը հասել է նրան, որ համաշխարհային հանրությունը Ռուսաստանին ավելի շատ սուր հարցեր է տալիս այդ զորավարժությունների մասին»:
«Կովկաս 2012» ռազմավարական հրամանատարական-շտաբային զորավարժությունները սկսվում են երկուշաբթի օրը Հարավային ռազմական շրջանի տարածքում: