Սեպտեմբերի 17-ին Հ. Պարոնյանի անվան երաժշտական կոմեդիայի թատրոնի դահլիճում կայացավ համերգ` նվիրված մեծանուն դուդուկահար Վաչե Հովսեփյանի ծննդյան օրվան:
Համերգին ներկա էր և հիշատակի խոսքով ելույթ ունեցավ դուդուկահարի գործընկերն ու ընկերը՝ Սերգեյ Կարապետյանը:
Համերգի ընթացքում հնչեցին դուդուկահարի արվեստն արժևորող ելույթներ:
Հայկական և օտարազգի ստեղծագործությունների կատարմամբ հանդես եկան «Իմ Հայաստան» փառատոնի շրջանակներում Հայաստան ժամանած, ինչպես նաև հայաստանյան լավագույն դուդուկահարները: Հայկական ծիրանափողը հնչեց Ուրուգվայից, Պորտուգալիայից և Կուբայից ժամանած երաժիշտների՝ այլ երաժշտական գործիքների նվագակցությամբ, հայտնում է ՀՀ սփյուռքի նախարարության մամուլի ծառայությունը: