Հռոմի Բենեդիկտոս XVI պապը չորեքշաբթի դիմել է մահմեդականներին և քրիստոնյաներին` կոչ անելով միավորվել բռնության դեմ պայքարում:
«Կարծում եմ, որ բոլորիս համար ժամանակն է հրաժարվել բռնությունից և պատերազմից»,-հայտարարել է պապը:
Նա շնորհակալություն է հայտնել մահմեդական հոգևոր առաջնորդներին, որոնց հանդիպել է Լիբանան կատարած այցի ժամանակ և հավելել, որ նրանց առաջարկել է երկխոսության և համագործակցության գաղափար, հաղորդում է «Ինտերֆաքսը»:
Բենեդիկտոս XVI պապի կոչը հնչել է այն ժամանակ, երբ բազմաթիվ երկրներում բողոքում են ամերիկյան ֆիլմի դեմ, որն առաջացրել է մահմեդականների դժգոհությունը: