«Շախտյորի» կիսապաշտպան Հենրիխ Մխիթարյանը Ուկրաինայի գավաթի խաղարկության 1/16 եզրափակչում «Դինամոյի» հետ հանդիպումից առաջ նշել է, որ Յուրի Սյոմինը լավ կտրամադրի իր թիմն այդ խաղի համար: «Դինամոյականները խաղի կգան թարմ ուղեղով և միանգամայն այլ մտքերով: Մեզ համար շատ կարևոր է հաղթել «Դինամոյին»՝ մեր ամենասկզբունքային մրցակցին: Որքան շատ ես հաղթում, այնքան լավն է լինում մթնոլորտը թիմում, իսկ հաջորդ մենամարտին պատրաստվում ես բարձր տրամադրությամբ»,-Մխիթարյանի խոսքն է մեջբերում «Շախտյորի» պաշտոնական կայքը:
Սա կլինի «Շախտյորի» երկրորդ խաղը «Դինամոյի» հետ, մինչ այդ թիմերը մասնակցել են Ուկրաինայի առաջնությանը: «Որքան շատ լինեն նման խաղերն, այնքան լավ: Միշտ չի հաջողվում նման մակարդակի թիմերի հետ խաղալ: Խաղալ «Դոնբաս Արենայում» միշտ է հաճելի: Ամեն ինչ կանենք կրկին հաղթելու և երկրպագուներին ուրախացնելու համար»,-ասել է Մխիթարյանը:
