Լայն շրջանակներին ոչ այնքան հայտնի արևմտյան մտավորականներից է Մանուել Սարգսյանցը, որը հայտնի պատմաբան ու սոցիոլոգ է, Ռուսաստանի, Լատինական Ամերիկայի, Հարավ-Արևելյան Ասիայի ժողովրդական սոցիալիզմի կրոնական ակունքների հետազոտող: Ազգությամբ հայ գիտնականը ծնվել է 1923թ. հետհեղափոխական Բաքվում, մեծացել է Պարսկաստանում, կրությունը ստացել է ԱՄՆ-ում: Այսօր նա ապրում և աշխատում է Մեքսիկայում, գրում է Terra America-ն:
Չնայած փայլուն կրթությանը, Սարգսյանցի ակադեմիական կարիերան հազիվ թե հաջող կարելի է համարել: Պատճառը նրա ակադեմիական հետաքրքրություններն են: Գիտնականին միշտ հետաքրքրել են այն թեմաները, որոնք ինչ-ինչ պատճառներով տաբուի տակ էին արևմտյան ակադեմիական շրջանակներում:
Ռուսաստանում Սարգսյանցի ամենահայտնի գիրքը «Գերմանական ֆաշիզմի անգլիական արմատներն» են, որը գրվել է անգլերեն, սակայն այդպես էլ լույս չի տեսել Մեծ Բրիտանիայում, այլ միայն Իռլանդիայում և Հնդկաստանում: Ռուսերեն այն լույս է տեսել 2003-ին: Ավելին, այդ գրքի պատճառով նրա դեմ երկու քրեական հայց է հարուցվել:
