«Հայաստանում երբեւէ չի եղել եւ չկա քսենոֆոբիա»,-հայտարարել է Հայաստանի հրեական համայնքի նախագահ Ռիմա Վարժապետյանը: Սակայն, ինչպես գտնում է Ռ.Վարժապետյանը, կան որոշակի ուժեր, որոնց համար քսենոֆոբիան դա միջոց է իրենց մասին հայտնելու համար: Նրա խոսքերով, ողջ Հայաստանում կարելի է գտնել ընդամենը 5-6 հոգու, որոնք հակասեմիտիզմի ալիքի վրա փորձում են իմիջ ստեղծել: Սակայն եթե այդ մարդկանց ծառայություններ մատուցվեն ԶԼՄ-ների կողմից, հետեւանքները կարող են ցավալի լինել, նշել է Ռիմա Վարժապետյանը: Նա նշել է, որ քաղաքականությունից դուրս եւ առօրյա կյանքում Հայաստանի հրեաները չեն բախվում հակասեմիտիզմի դրսեւորումների հետ: Իր հերթին ռավին Գերշ Բուրշտեյնը նշել է, որ հրեական համայնքը նյութեր չի ուղարկել ԱՄՆ պետդեպարտամենտ, որը վերջերս զեկույց է պատրաստել Հայաստնի վերաբերյալ, որտեղ մատնանշված են հակասեմիտիզմի առանձին փաստեր: Ինչպես գտնում են Կլոր սեղանի ներկայացուցիչները, այդ փաստերը ամերիկացիները վերցրել են Հայաստնի զանգվածային տեղեկատվության միջոցներից: