Իրանի նախագահ Մահմուդ Ահմադինեժադը համոզված է, որ Իսրայելն է կանգնած այն տեղեկությունների տարածման ետևում, որոնց համաձայն իրանական միջուկային ծրագիրը սպառնում է տարածաշրջանի և աշխարհի անվտանգությանը, ինչպես նաև փորձում է ռազմական հակամարտություն սադրել:
«Սիոնիստներն ավանտյուրիստներ են: Նրանք փորձում են կեղծել փաստերը և, կարծում եմ, որ նրանք վստահ են իրենց հաղթանակի վրա: Ես միանգամայան համոզված եմ, որ նրանք փնտրում են իրենց և իրենց ռիսկային գործողությունների իրականացման համար նոր հնարավորություններ»,-հայտարարել է նա CNN-ին:
Ինչպես հաղորդում է ՌԻԱ Նովոստին, Ահմադինեժադն ընդգծել է, որ Իսրայելի հարձակման դեպքում, Իրանը պաշտպանվելու է: