Սեպտեմբերի 25-ին Երևանի Հանրապետության հրապարակից մեկնարկած Անկախության տոնին նվիրված վազքարշավին մասնակցել են ավելի քան 40 հաշմանդամներ: Մեկնարկելով Հանրապետության հրապարակից`մասնակիցները հասել են մինչև Եռաբլուր, որտեղ ծաղկեպսակ են դրել զոհված ազատամարտիկների հուշահամալիրին:
Վազքարշավը կազմակերպվել էր ՀՀ սպորտի և երիտասարդության հարցերի նախարարությունը՝ ազգային օլիմպիական կոմիտեի հետ համատեղ:
Միջոցառմանը մասնակցել են հաշմանդամային սպորտով զբաղվող հասարակական կազմակերպությունները՝ մարզիկներ Հայաստանի ազգայի պարալիմպիկ կոմիտեից, Խուլերի հայկական սպորտային կոմիտեից և “Հայկական հատուկ օլիմպիադաներ” հասարակական կազմակերպությունից:
Հայաստանի Հանրապետության անկախության տոնին նվիրված հաշմանդամների վազքարշավը կազմակերպվում է արդեն 2-րդ անգամ՝ ձևավորելով լավ ավանդույթ հաշմանդամային սպորտի մասսայականացման գործում:
