ԵԱՀԿ առաքելությունը նախօրեին ԼՂՀ Մարտակերտի շրջանում անցկացրել է Լեռնային Ղարաբաղի եւ Ադրբեջանի զինված ուժերի շփման գծի արտահերթ դիտարկում: Հենց այս հատվածում մարտի 7-ին եւ 9-ին ադրբեջանական կողմի մեղքով տեղի են ունեցել միջադեպեր, որոնց արդյունքում երկու կողմերը մարդկային զոհեր են տվել: Դիտարկման ընթացքում ԼՂՀ պաշտպանության նախարարության ներկայացուցիչները ԵԱՀԿ առաքելությանն են ներկայացնել Ադրբեջանի ԶՈՒ ստորաբաժանումների կողմից ղարաբաղյան դիրքերի գնդակոծման ապացույցները, ինչպես նաեւ իրենց դիրքերը առաջնային սահմանագծերին մոտեցնելուն ուղղված ադրբեջանական կողմի գործողությունների արդյունքները: