«Պրոժեկտորպերիսխիլտոն» հաղորդումն այլևս եթեր դուրս չի գա ռուսական Առաջին ալիքի եթերում: Ինչպես հայտնել է «ՌԻԱ Նովոստի» գործակալությունը, փակման մասին որոշումը կայացվել է մշտական հաղորդավարներ Գարիկ Մարտիրոսյանի ու Սերգեյ Սվետլակովի հեռանալու պատճառով:
«Դեռ ամռանը ինձ զանգահարեց «Գազպրոմ-մեդիահոլդինգի» գլխավոր տնօրեն Նիկոլայ Սենկևիչը և հայտնեց, որ Սերգեյ Սվետլակովն ու Գարիկ Մարտիրոսյանն այլևս չեն մասնակցելու «Պրոժեկտորպերիսխիլտոն» հաղորդմանը, քանի որ նոր պայմանագրեր են կնքել ТНТ հետ: Ես խնդրեցի նրան, որ բացառության կարգով նրանց թույլատրվի մասնակցել Առաջին ալիքի մեկ հաղորդման: Բարի կամքի առկայության դեպքում այդ հարցերը հեռուստատեսությունում հաջողությամբ լուծվում են, իմ զրուցակիցը բարի կամք չդրսևորեց»,-հաղորդագրության մեջ մեջբերվում են Կոնստանտին Էռնստի խոսքերը:
Հեռուստաալիքն ափսոսում է նախագծի փակման մասին, սակայն որոշել է չփոխել հաղորդավարների կազմը: Հաղորդումը թանկ է մեզ համար այնպիսին, ինչպիսին մենք այն ստեղծել ենք, իսկ դուք դիտել եք 2008թ. մայիսից»,-ասել է հեռուստաալիքի գլխավոր տնօրենը:
