Կովկասի ամենաերկար շտրուդելի վաճառքը Երևանում մեկնարկել է: «Արմենիա Մարիոթ» հյուրանոցի Meeing Point բացօթյա սրճարանում ժամը 11:00-18:00 կարելի է համտեսել 60 մետր երկարությամբ վիեննական շտրուդելը, որը մեկ օրում պատրաստել է հյուրանոցի շեֆ-խոհարար Ռոլֆ Գրաբերը: 1500 կտորից յուրաքանչյուրի գնորդը հնարավորություն կստանա մասնակցելու վիճակահանությանը, որի մրցանակներն այս տարի տասն են, գլխավորը` 2 ուղեգիր դեպի Վիեննա և հանգիստ այնտեղի «Մարիոթ» հյուրանոցում:

Շտրուդելի յուրաքանչյուր գնորդ երկու կտրոնի վրա պետք է լրացնի իր տվյալները և կտրոններից մեկը հանձնի կազմակերպիչներին: Ժամը 18:00-ին հյուրանոցի դիմաց տեղի կունենա վիճակահանությունը, որի արդյունքում էլ հայտնի կդառնան մրցանակ շահողները:

Կովկասի ամենաերկար շտրուդելը Երևանում պատրաստվում է արդեն 5-րդ անգամ: