29 սեպտեմբերի 2012 - 09:56 AMT
«Հրապարակ». Ոստիկանությունը զինաթափել է Բենզին Ռուբոյի և «Մեկ» կահույքի սրահի տնօրենի թիկնապահներին

«Հրապարակը» վերջերս մի քանի անգամ անդրադարձել է այս թեմային: Թերթը հիշեցնում է, որ , ինչպես ավելի վաղ հայտնել էր, ոստիկանությունը սկսել է զինաթափել օլիգարխների թիկնապահներին, քանի որ, բացի օրենքով թույլատրված դեպքերից, դա արգելված է: Թերթը գրում է, որ վերջին 2 օրերին «զինաթափվել» են Բենզին Ռուբոյի` նախկին ԲՀԿ, ներկայումս ՕԵԿ-ական Ռուբեն Մասումյանի և «Մեկ» կահույքի սրահի տնօրենի թիկնապահները: Իսկ անդրանիկ զոհը Աժ պատգամավոր, ԲՀԿ-ական Կարո Կարապետյանն էր:« Այսինքն` ուռկանում միայն ԲՀԿ-ին առնչվող «ձկներ» են: Վ. Գասպարյանը երեկ թերթի հետ զրույցում այս առումով նշել է. «Դա շարունակական գործընթաց է և վերաբերում է բոլորին»: Տեսնես ե՞րբ է հերթը ՀՀԿ-ական օլիգարխներին հասնելու: «Նշենք, որ օպերացիան հիմնականում իրականացվում է երեկոյան ժամերին»,- գրում է «Հրապարակը»: