«Հրապարակ» օրաթերթը գրում է. «ԱԺ պատգամավորները մասնակցում են «Օգնիր եղբորդ» սիրիահայության օգնության բարեգործական ակցիային: Նրանք իրենց մեկ օրվա աշխատավարձը` 10 հազար դրամ, փոխանցում են այդ ֆոնդին, որի համակարգողը Վահան Հովհաննիսյանն է: Նաև հարկ են համարում զանգել ու հարցնել ընկեր Վահանին` իր մոտ ամեն ինչ կարգի՞ն է, հո բան չի՞ պատահել:
Բանն այն է, որ գլխավոր դատախազի` Վարդան Օսկանյանի գործով միջնորդությանն առնչվող իր ելույթի ժամանակ Վ. Հովհաննիսյանն ասել էր. «կարո՞ղ է հաջորդն էլ ես լինեմ», որովհետև «Օգնիր եղբորդ» ակցիայի շրջանակներում ինքը ևս գումարներ է կանխիկացնում, փոխանցում, որոշակի գործարքներ իրականացնում, այն պարզ պատճառով, որ չի կարող հասնել Սիրիայի «բլոկ-պոստեր»:
«Չէ, լա՜վ ա»,- պատգամավորներին պատասխանում է Վահան Հովհաննիսյանը: