Եվրոպական ավիաընկերությունների օդաչուների մոտ 90 տոկոսը խոստովանել է, որ սխալներ է կատարել թռիչքի ժամանակ հոգնածության պատճառով, հայտնել է Օդաչուների եվրոպական ասոցիացիան:
«Հոգնածությունն ազդում է անձնակազմի գործողությունների և իրավիճակին արագ արձագանքելու ունակության վրա, իսկ դա հղի է վթարներով»,-հայտարարել է ասոցիացիայի ղեկավար Ֆիլիպ ֆոն Շոպպենտհաուն:
Ուղևորատար օդանավերի հարցման ենթարկված օդաչուների կեսը խոստովանել է, որ քնել է թռիչքի ժամանակ:
Օրերս Ավիացիոն անվտանգության եվրոպական գործակալությունը կարգադրություն է ընդունել, որի համաձայն գիշերային թռիչքների թույլատրելի տևողությունը ավելացվել է 10 ժամից մինչև 11 ժամ:
ECA-ն քննադատել է այդ որոշումը, գտնելով, որ «դա հարվածի տակ է դնում ուղևորների, անձնակազմերի և թռիչքների գոտում ապրող բնակչության անվտանգությունը», հայտնում է «ՌԻԱ Նովոստին»:
