Ամբողջ Իտալիայում այսօր ուսանողներն ու դպրոցականները հակակառավարական բողոքի ակցիաներ են անցկացնում:
Ինչպես հաղորդում են տեղական ԶԼՄ-ները, Միլանում, Թուրինում և Պալերմոյում, ինչպես նաև Սիցիլիա կղզում լուրջ բախումներ են տեղի ունեցել օրինապահ մարմինների աշխատակիցների հետ: Հաղորդվում է տասնյակ վիրավորների մասին: Ձերբակալվել է մի քանի մարդ:
Հռոմի կենտրոնում տեղի ունեցած երթի արդյունքում խնդիրներ են առաջացել ավտոմեքենաների տեղաշարժի հետ: Երիտասարդները դեմ են հադես գալիս պետական կրթության և հանրային դպրոցների ֆինանսավորումը դադարեցնելու վերաբերյալ Մարիո Մոնտիի ներկայիս կառավարության քաղաքականությանը: