«Պահապան արծիվ» թիկնապահական ակադեմիայի նախագահ Արսեն Դավթյանը կարծում է, որ հունվարին ընդունվելիք պահնորդական ծառայության մասին օրենքի քննարկմանը պետք է մասնագետներ մասնակցեն:
Այսօր լրագրողների հետ հանդիպմանը նման կարծիք հայտնեց Արսեն Դավթյանը, ասելով. «Զարգացած պետություններում, երբ օրենք է ընդունվում, խորհուրդ է հավաքվում, ես օրինակ աշխատել եմ Չեխիայում, այնտեղ, երբ թիկնապահների հետ կապված օրենք էին ընդունում, կանչում էին մեզ» :
Դավթյանը սակայն նշեց, որ դեռ չգիտի, գուցե մինչև հունվար` օրենքի ընդունումը, կհրավիրեն համապատասխան մասնագետների, որպեսզի օրնեքը ճիշտ լինի. «Սա Ազգային ժողովի քննարկման հարց չէ, հարցը պետք է ուժային կառույցները քննարկեն»:
Դավթյանը դեմ է նաև թիկնապահների մասին նոր օրենքի այն կետին, ըստ որի թույլատրվում է զենքի գործածումը. «Հայաստանում ոչ ոք դեռևս չի կարող զենք օգտագործել, չի կարելի զենք տալ այն մարդկանոց, ովքեր պատրաստ չեն, իսկ մեզ մոտ դեռևս պատրաստ չեն»:
