Ամերիկյան Ֆլորիդա նահանգում ավտովթարի հետևանքով տուժել են 52 հոգի
Ուրբաթ օրը ԱՄՆ Ֆլորիդա նահանգում շուրջ 45 մեքենաների ավտովթարի հետևանքով տուժել են 52 հոգի:
ՃՏՊ-ը տեղի է ունեցել Սարասոտա քաղաքից ոչ հեռու: Ոստիկանության ներկայացուցիչների խոսքով, այն բանից հետո, երբ բեռնատարի վարորդը կորցրել է կառավարումը, նրան հետևող մեքենաները սկսել են բախվել միմյանց: Ամենայն հավանականությամբ, վթարի պատճառ է եղել ուժեղ ամպրոպը:
Տեղի իշխանությունների հաղորդմամբ, հիվանդանոց են տեղափոխվել 29 հոգի: Մնացած տուժածները հրաժարվել են հոսպիտալացումից, հաղորդում է Ինտերֆաքսը:
