Շարունակվում է ամենօրյա հսկողությունը հասարակական տրանսպորտի սպասարկման որակի նկատմամբ:
Այս մասին քաղաքապետարանում տեղի ունեցած աշխատանքային խորհրդակցության ժամանակ զեկուցել է տրանսպորտի վարչության պետը:
Արձանագրված խախտումների մասով կազմվել են համապատասխան վարչական արձանագրություններ: Զեկուցվել է նաև, որ ընթացքի մեջ է Երևանի ներքաղաքային ավտոբուսային կանոնավոր փոխադրումների երթուղիների մրցույթների անցկացումը: Առաջիկայում շահագործման կհանձնվի ևս 2 ավտոբուսային երթուղի:
Սահմանված ժամանակացույցի համաձայն մայրաքաղաքում շարունակվում են ասֆալտապատման, փոսալցման, փոսանորոգման և ճաքալցման աշխատանքները: Քաղաքապետը հանձնարարել է խստորեն հետևել հատկապես կատարվող աշխատանքների որակին: