Պաբլո Օսվալդոն, որը երրորդ գնդակն ուղարկեց Հայաստանի հավաքականի դարպասը, խոստովանել է, որ հաղթանակը Հայաստանի հանդեպ կարևոր էր, քանի որ իտալացիները դարձան B խմբի առաջատարները:

«Ես երջանիկ եմ, որ ինձ հաջողվեց գոլի հեղինակ դառնալ: Ես գերազանց փոխանցում ստացա, և ինձ մնում էր միայն գնդակն ուղարկել մրցակցի դարպասը: Ես կարծում եմ, որ դա շատ կարևոր էր նաև Դանիել Դի Ռոսսիի համար: Մենք միշտ աշխատում ենք օգնել մեր հավաքականին»,-ասել է Օսվալդոն:

Ըստ նրա, հայ ֆուտբոլիստները լավ էին պաշտպանվում, սակայն նրանք կարողացան կոտրել հակառակորդի դիմադրությունն ու գոլեր խփել, ինչն ամենակարևորն է: