Հոկտեմբերի 13-ին` տեղական ժամանակով ժամը 22.44-ին, Ռուսաստանի տարածքում` Ադրբեջանի Զակատալա քաղաքից 43 կմ դեպի արևելք տեղի է ունեցել 4.8 մագնիտուդով երկրաշարժ: Այս մասին PanARMENIAN.Net-ին տեղեկացնում է ՀՀ ԱԻՆ «Սեյսմիկ պաշտպանության ծառայությունը»:

Երկրաշարժի հիպոկենտրոնը գտնվում է 10 կմ խորության վրա, որի ուժգնությունն էպիկենտրոնային գոտում կազմել է 7 բալ: Էպիկենտրոնի աշխարհագրական կոորդինատներն են՝ հյուսիսային լայնության 41.690 և արևելյան երկայնության 47.120:

ՀՀ տարածքում երկրաշարժը զգացվել է Նոյեմբերյան, Դիլիջան և Իջևան քաղաքներում 3 բալ ուժգնությամբ: