«Էրեբունի-Երևան» տոնակատարությունների շրջանակում Ֆրանսիայի հրապարակում 14:00-ից կազմակերպվել է Բիենալե: Ինչպես PanARMENIAN.Net-ի թղթակցի հետ զրույցում ասաց Բիենալեի կազմակերպիչ, Ավետ Տերտերյանի անվան արվեստի դպրոցի տնօրեն Արթուր Մարտիրոսյանը, Ֆրանսիայի հրապարակում ցուցադրվում են երևանյան արվեստի բոլոր դպրոցների և ուսումնարանների աշակերտների լավագույն աշխատանքները: «Ցուցադրության մեջ ընդգրկվել են նաև Երևանի Գեղարվեստի պետական ակադեմիայի ուսանողների և Փանոս Թերլեմեզյանի անվան գեղարվեստի պետական քոլեջի սաների աշխատանքները: Ցուցադրվում են ինչպես գեղանկարչական և գրաֆիկական աշխատանքներ, այնպես էլ քանդակ, խեղեգործական աշխատանքներ, գոբելեն, ասեղնագործություն, ուլունքագործություն: Ամեն մի դպրոց շուրջ 15 և ավելի աշխատանքներ է ներկայացրել: Ընդհանուր առմամբ 40 մասնակիցները մոտ 1000 և ավելի աշխատանքներ են ներկայացրել»,- նշեց նա:

Բիենալեի ցուցադրությունը կտևի մինչև ժամը 18:00-ը: