15 հոկտեմբերի 2012 - 17:12 AMT
Բրյուսելի կենտրոնական համայնքի ավագանու ընտրություններում բոլոր թեկնածուները մահմեդականներ էին

Բրյուսելում հոկտեմբերի 14 –ին տեղի են ունեցել տեղական ինքնակառավարման մարմինների ընտրություններ: PanARMENIAN.Net ի թղթակցին Բելգիայում բնակվող Սամվել Ավանեսյանը ահազանգում է, որ Բրյուսելի կենտրոնական համայնքներից մեկի Սեն-Ժան-Մոլենբեկի թեկնածուները մահմեդականներ են: Նա իր հեռախոսի ֆոտոխցիկով նկարահանել է բոլոր թեկնածուների պաստառները, որի շնորհիվ հասկանալի է դառնում ողջ պատկերը: «Եթե Մուհամմեդը չընտրվի – Ջալալը կամ Հուսեյնը կընտրվի... Սա Եվրոպայի ապագա պատկերն է»,-ասաց նա:

«Թաղապետը` Ֆիլիպ Մորոն, որը միակ բելգիացի թեկնածուն է, վաղուց ամուսնացել է մահմեդական մի տիկնոջ հետ, բնականաբար փոխելով հավատքն ու ընդունելով մահմեդականություն, այսինքն իր անցյալից միայն անունն ու ազգանունն է հիշատակ մնացել»,-հավելեց Ավանեսյանը:

Լուսանկարներում ակնհայտ երևում է, որ բոլոր թեկնածուները մահմեդականներ են, արաբական կամ թուրքական անուններով ու ազգանուններով: Քարոզչական պաստառներից անցնողներին է ժպտում նույնիսկ գլխաշորով կին թեկնածուն: