ԱԺ ՀԱԿ խմբակցության ղեկավարի կարծիքով այսօր Հայաստանում ընտրությունների մեխանիզմ գոյություն չունի, այն, ինչ որ կատարվեց մայիսի 6-ին, շուլերական խաղ էր, զանգվածային ընտրակեղծարարություն:
Լևոն Զուրաբյանի խոսքերով, իրենք չեն մրցակցում թեկնածուների հետ, իրենց հիմնական հակառակորդը այն ընտրակեղծարար մեքենան է, որը գործում է Հայաստանում:
«Այս ռեժիմի հիմնական զենքը դարձել է ժողովրդի հուսալքումը: Ժողովուրդը հոգնել է կեղծված ընտրություններից: Արտագաղթը թափ է ստացել նաև հենց այս խնդիրների պատճառով»,-ասաց Լ. Զուրաբյանը` այս պայմաններում առանցքային համարելով արմատական վերափոխման անհրաժեշտությունը, որի համար իրենց կուսակցությունը հանդես է գալիս առաջարկներով:
«Մենք պետք է մի այնպիսի վերափոխում կատարենք, որը կվերադարձնի ժողովրդի վստահությունը»,-լրագրողներին ասաց ՀԱԿ ներկայացուցիչը: