Հոկտեմբերի 20-ին «Մոսկվա» կինոթատրոնում 8-րդ անգամ կբացվի Մանկապատանեկան ֆիլմերի փառատոնը: Ինչպես մամուլի ասուլիսի ժամանակ ասաց փառատոնի նախագահ Նունե Մանուկյանը, փառատոնի համար ներկայացվել է 40 երկրից շուրջ 800 հայտ, որոնցից ընտրվել է 27 երկրից 112 ֆիլմ:
Այս տարի ևս կլինեն ավանդական ծրագրերը` մշակութային, սոցիալական և կրթական:
Այս տարի կիրականացվի «Դու մենակ չես… Միասին կհաղթենք» ծրագիրը, որի շրջանակում ռուս բժիշկները խորհրդատվություն կտան արյունաբանական կենտրոնի մասնագետներին:
Այս տարի կշարունակվի նաև փառատոնի և ՅՈՒՆԻՍԵՖ-ի միջև համագործակցությունը, ինչպես նաև կանցկացվի «Կինոսարդ» ծրագիրը:
Փառատոնը Երևանում կավարտվի հոկտեմբերի 24-ին, այնուհետև կշարունակվի Հայաստանի 5 մարզերում` Լոռիում, Շիրակում, Արարատում, Գեղարքունիքում, Տավուշում:
Փառատոնը կազմակերպում է «Ռոլան Բիկով» հիմնադրամը: