Միկրոբլոգների Twitter կայքը արգելափակել է նեոնացիստների բլոգը Գերմանիայի կառավարության հարցումով:
Արգելափակված աքքաունթը գրանցել էին մի խումբ նեոնացիստներ՝ «Լավագույն Հաննովեր» անվանումով: Սեպտեմբերի վերջում Ներքին Սաքսոնիայի իշխանություններն արգելել էին այդ կազմակերպության գործունեությունը:
Այդպիսով, միկրոբլոգի պարունակությունն անհասանելի կլինի Գերմանիայի բնակիչների համար, սակայն բաց կմնա այլ երկրներում:
Առաջին անգամ սոցցանցը կիրառել է հրապարակումների գրաքննության իրավունքը այն դեպքում, երբ դրանք խախտում են որևէ երկրի օրենքները: