Հայաստանի նախագահ Ռոբերտ Քոչարյանը նախօրեին հանդիպել է Ռուսաստանի անվտանգության դաշնային ծառայության փոխտնօրեն, ՌԴ ԱԴԾ սահմանապահական վարչության պետ գեներալ գնդապետ Վլադիմիր Պրոնիչեւին, տեղեկացնում է պետության ղեկավարի մամուլի ծառայությունը: Հանդիպման ընթացքում կողմերը քննարկել են սահմանների պաշտպանության համատեղ ծառայությանն առնչվող հարցեր: Ռոբերտ Քոչարյանը գոհունակություն է հայտնել համագործակցության ներկա մակարդակի եւ զարգացման հեռանկարների առնչությամբ: Վլադիմիր Պրոնիչեւն իր հերթին նշել է, որ հայերը թե նախկինում եւ թե հիմա բարյացակամ են վերաբերվում ռուս սահմանապահներին, ինչը վերջիններիս աշխատանքը խրախուսող կարեւոր հանգամանք է: